Nga nesër  të rinjtë kosovarë do të mund të argëtohen për pesë netë radhazi me muzikë nga këngëtarë dhe grupe të njohura nga të gjitha trojet shqiptare në edicionin e 5’të me radhë të birrës dhe verës në Prishtinë.

“Beer and Wine Fest 2017” do të nis me 30 qershor dhe do zgjas deri me  4 korrik. Edhe ky edicion i festivalit do të mbahet në Platon e Pallatit të Rinisë dhe Sporteve” në  kryeqytet.

Organizatorët e këtij festivali tashmë kanë përfunduar të gjitha përgatitjet dhe premtojnë shumë risi  gjatë këtij edicioni.

Njëri nga organizatorët e këtij festivali, Besnik Ejupi  i ka thënë “Arbresh.info” se një nga risitë e këtij edicioni është se festivali do të zgjasë 5 netë.

Po ashtu sipas tij, e veçantë tjetër e këtij edicioni të festivalit, është që do të ketë shpërblime të shumta në lojërat me birra, do të jenë prezent top artistiket vendor,  e shumë risi të tjera.

Gjatë këtyre 5 netëve, sipas Ejupit para të rinjve kosovarë do të përformojnë këngëtar dhe grupe të njohura shqiptare, ndërsa hapjen e ceremonisë festive të edicionit jubilar, do ta bëjë grupi i njohur ELITA 5.

“Për dallim nga edicionet e kaluara, risi në këtë edicion jubilar do të jetë programi artistik, pasi që 5 ditët/netët e festës së muzikës, verës dhe birrës do të përcillen me emra të mëdhenj të muzikës si: Alban Skenderaj, ELITA 5, Vedat Ademi, Vala Mulliqi & Band, 3Leche Band, Shake it Darabuka & Dj Juba, Donika Rushiti & Kreshnik Berisha, Lekë Gjurgjiali & Band, Into Thin Air, Doksi, Dj GAMBLEMANIA  dhe shumë e shumë të tjerë,” ka thënë Ejupi për “Arbresh.info.

Ejupi tregon se çmimi i birrës dhe verës, do të fillojë nga 0.50 euro, duke mos përjashtuar happy hour dhe shpërblime të shumta.

Befasi tjetër, sipas tij, do të jetë pjesëmarrja e brendeve të reja të verërave, ku  për herë të parë do të prezantohen në këtë Festival, i cili përveç promovimit të muzikës ka për qëllim edhe promovimin e produkteve vendore.

Gjatë këtij festivali do të marrin pjesë rreth 23 kompani të birrës. / Arbresh.info/